“ABŞ çox güclüdür. Bizim heç kimin nə olduğunu bilmədiyi silahlarımız var”.
Bu sözləri ABŞ Prezidenti Donald Tramp jurnalistlərə açıqlamasında deyib.
“Ticarət müharibəsindən kənarda eskalasiyadan narahatsınızmı?” sualına o, belə cavab verib: “Biz çox güclüyük. Bu ölkə çox güclüdür. İnsanların düşündüyündən daha güclüdür. Bizim silahlarımız var ki, onların nə olduğunu heç kim bilmir və onlar dünyanın ən güclü silahlarıdır, hamıdan güclüdür. Ona görə də heç kim bunu etməyəcək. Tariflərin dayandırılmasının bazarlara belə təsir edəcəyini bilmirdim. Bu gün bazarlar çox gözəl gün keçirdi”.
Qeyd edək ki, D. Tramp ötən gün Çindən gələn mallara rüsumları 125 faizə qaldırdığını, bir sıra ölkələrə qarşılıqlı əsasda tətbiq edilən əlavə idxal rüsumlarını isə 90 gün müddətə dayandırdığını açıqlayıb. ABŞ fond bazarları Trampın bu qərarlarından sonra 10 dəqiqə ərzində 4 trilyon dollar dəyər qazanıb.
