ABŞ Prezidenti Donald Tramp süni intellektin inkişafı ilə bağlı “Stargate” layihəsinin yaradıldığını elan edib.
Ağ Evdə layihənin təqdimatı ilə bağlı tədbir keçirilib.
Qeyd olunub ki, layihənin büdcəsi 500 milyard dollar təşkil edir və onun yaradılması üzərində ABŞ-nin “OpenAI”, “Oracle” və Yaponiyanın “SoftBank” şirkətləri işləyəcək. Tədbirdə hər üç şirkətin rəhbəri iştirak edib.
Bildirilib ki, “Stargate” yeni nəsil süni intellektin inkişafı üçün fiziki və virtual infrastrukturun yaradılması ilə məşğul olacaq.
Yeni şirkət ABŞ ərazisində data mərkəzlərinin inşasına başlamağı planlaşdırır.
