Kürdəmir Rayon Mərkəzi Xəstəxanasında görüb və müşahidə etdiklərimi, yaxınımın başına açdıqları "oyunu" düşündükcə, yaxın bir tanışın həkimlə olan bir dioloqu yadıma düşür...
Deməli tanış, bir gün səhhətində yaranan problemlə bağlı, öz yaşadığı ərazinin polkilinkasına üz tutur. Növbə tutub, həkimin qəbuluna düşür. Səhhətində yaranan problemlərini həkimə danışandan sonra, o qədərdə həkimə getmədiyini dilə gətirir. Həkim pasiyentinin bu danışığından ilk ağlına gələn sualı verir.
-Yəqin iynədən qorxursunuz ?
Pasiyent, həkimə - "yox" cavabın verib, ardıyca deyir.
- Həkimə inanmıram.
Tanışı müayinə edən həkim təəccüblə tanışımın üzünə baxıb, narazı şəkildə bildirir.
-Buracan yaxşı gəlmişdin, bu sözündən sonra hər şeyin zayın çıxardın.
Tanış tövrünü pozmadan həkimə cüzü etiraz edərək, elə onu müayinə edən həkimin timsalında ona izah edir.
- Həkim, sizi baş həkim işə götürəndə, aylıq qoyub və hər ay üçündə, müəyyən məbləğdə "firma" - deyilən iynə-dərman satılmasını qarşına " plan-öhdəlik" kimi qoyursa, siz həkim neyləyərsiniz?
Bir az əvvəl verdiyi suala peşman olmuş həkimi, tanış, izahı ilə yenə vəziyyətdən çıxarır. Deməli, siz işdə almağınız üçün, məcbursunuz ki, lap yaxın qohumun gəlsin, bir kurs ona "firma" dərmanı yazasınız. Həmin o bir kurs "firma" dərmanın istifadə edən xəstədə ağrıkəsicinin yaratdığı sakitlik qanından sovrulur gedənə qədər, xəstənin digər orqanıda müəyyən dərəcədə sıradan çıxır. Bu cür müayinə üsulu xəstə sayın da çoxaldır, ölüm halların da artırır, nəticədə sağalma yox, xəstə halda, əzəblar içində ömür sürmək davam edir. Hamısında sonda yazırıq Allahın verdiyi qismətin üstünə. Amma, düzgün müayinə, müalicə aparılsa səhiyyəyə də inamsızlıq bu qədərdə çoxalmaz.
Kürdəmir Rayon Mərkəzi Xəstəxanasında bəlkə bu kimi hallarla yanaşı, qapıdan tutmuş, baş həkimin otağına qədər sanki şıdırğı bir alver gedir. Xəstəyə diaqnoz düzgün qoyulmur, başqa orqanın yarada biləcək fəsadlar müalicə olunur. Bunun da nəticəsində xəstənin yaxınları məcbur olub xəstələrinin saat hesabı sayğacı işləyən özəl klinikalara aparılır və yada məcbur qalıb, borca, xərcə girib, banklardan kredit götürüb, illərlə pul yığıb aldığı daşınan, daşınmaz əmlakını satıb xəstəsini başqa xəstəxanalara yerləşdirib müalicə etdirir...
Azərbaycan Səhiyyəsinin görünən üzü budu. Ölkə başçısı bu sahənin düzəlməsi üçün, müxtəlif qurumlar, publika hüquqi şəxslər yaradılmasına dair sərəncamlar verir. Ancaq bu sahədə bir irəliləyiş əvəzinə kortəbii idarəolunmaz mühüt yaradılır.
Kürdəmir Rayon Mərkəzi Xəstəxanasında gördüklərim təkcə bununla yekunlaşmır. Odur ki, bu movzunu diqqətdə saxlayıb, növbəti saylarımızda, araşdırmalarımız uyğun yazılar dərc edəcəyik.
Bizi izləyin...
