"Şikayətim "Baku Electronics"-dəndir. Deməli, faizsiz telefon krediti üçün limitli günlər (2-3 gün) kampaniyası keçirirlər. Mən də yaxınlaşdım Əhmədli filialına, bir telefon seçib kredit şöbəsinə yaxınlaşdım". DİA.AZ bildirir ki, bu barədə Fuad Məmmədov adlı istifadəçi "Müştəriyəm Şikayətim Var" sosial qrupundakı paylaşımında qeyd edib.
Daha sonra narazı vətəndaş başına gələnləri belə nəql edir: "Satış təmsilçisindən soruşanda ki, kreditə görə əlavə komissiya gələcək üzərinə, mənə cavabında dedi ki, yalnız cüzi (5-10 azn) komissiya xərci olacaq, mən də razılaşdım və xahiş etdim ki, sifarişi yazıb kredit şöbəsinə yönləndirsin. Kredit şöbəsində isə mənə bildirdilər ki, bəs telefonun qiymətinin 5.5%-i qədər əlavə komissiya gəlir.
O da hardasa edir 147 azn. Mən buna etirazımı bildirəndə, cavabında bildirirlər ki, daxili qayda əsasında belə qərara alınıb. Hardan alınıb, hansı qanunvericilik və ya hansı əsaslarla ?! Soruşanda ki, komissiyasız kredit yoxdurmu, cavabında da deyirlər ki, 6 aylıq götürsəz yoxdur. Mən başa düşmürəm, krediti ya 6 ay götürdün ya da 12 ay. Nə fərqi var axı ? Birdə ki, lap tutalım ki, siz ora heç bir tutarlı əsas olmadan 5.5% komissiya tutursuz, bunu kreditin reklamını edərkən niyə öncədən bildirmirsiz ?! Nəyə görə, müştərilərinizin etibarından sui istifadə edib, istədiyiniz kimi yalnız öz xeyrinizə mənasız qaydalar qoyursunuz?! Hansı əsaslarla?!"
İddia olunanlarla bağlı dia.az olaraq qarşı tərəfin də mövqeyini işıqlandırmağa hazırıq...
