Atalarımız bir zaman “su qiymətinə” deyəndə ən ucuz məhsulu nəzərdə tutublar. Hətta dilimizdə “Hamam suyu ilə özünə dost tutanlar” deyimi də var.
Bəli, müdriklərimiz haradan bilərdi ki, vaxt gələcək suyun qiyməti ceyran belinə qalxacaq, hətta su uğrunda müharibələr olacaq.
Zarafat bir yana, analitiklər deyir ki, neft-qaz uğrunda müharibələr keçmişdə qaldı, yaxın gələcəkdə su mənbələri uğrunda müharibələr olacaq.
Sözümüzün canı odur ki, bir millət olaraq su ilə bağlı düşüncələrimizi dəyişməli, sudan israfçılığa son qoymalı, suyun qədrini bilməliyik. Unutmayaq ki, neft-qaz sarıdan zəngin olsaq da, içməli, şirin, həm də suvarma suları sarıdan zəngin ölkə deyilik, hətta qonşu ölkələr bizdən su sarıdan çox zəngindir.
Bu günlərdə suvarma suları ilə bağlı oxuduğumuz bir məqalə bizi şoka saldı. Təsəvvür edirsiniz, suvarma kanallarında su itkisi az qala 30-40 faizdir. Bilirsiniz bu nə deməkdir ? 100 ton suyun 30-40 tonu yolda torpağa hopur, itkiyə gedir, yəni “mənzil başına” çatmır. Dünyada belə israfçılıq olmaz e, cənablar.
Babalarımız boş yerə su arxlarına daş döşəmirdilər ee və adına da daşarx deyirdilər, hətta Naxçıvanda Daşarx kəndi var. Məqsəd su itkisinin qabağını almaq idi. Əgər bunu 100 illər əvvəl babalarımız edibsə, XXI əsrdə biz niyə edə bilmirik ? Bu qədər su itkisi olar ? Söhbət milyonlardan gedir ee...
Açın qulaqlarınızı eşidin eyy Azərbaycan Meliorasiya və Su Təsərrüfatı Açıq Səhmdar Cəmiyyətinin rəhbərləri olan şəxslər.
Sözümüz sizədir, ey 16 ildir Su Təsərrüfatı Açıq Səhmdar Cəmiyyətinin sədr müavini olan Rafiq Aslanov.
Bəs bu boyda problemləri görmürsünüz ?
Başınız qarışıb rüşvətə, korrupsiyaya, su yadınızdan çıxıb. Əslində çıxmayıb, su sizə milyonlar qazandırıb. Və sizin həyatınız başdanbaşa su ilə bağlıdır. Buyurun baxın:
1984 - 1993-cü illərdə Azərbaycan Meliorasiya və Su Təsərrüfatı Nazirliyinin bir sıra idarə və şöbələrində müxtəlif vəzifələrdə işləmisiniz,
1993- 2006-cı illərdə Azərbaycan Respublikası Meliorasiya və Su Təsərrüfatı Komitəsinin və Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin İqtisadiyyat, maliyyə və əmək haqqı idarəsində rəis vəzifəsində çalışmısınız,
2006-cı ildən Azərbaycan Meliorasiya və Su Təsərrüfatı Açıq Səhmdar Cəmiyyətinin sədr müavinisiz,
Suyun hesabına neçə-neçə orden-medal almısız və s
Bəs, siz nə düşünürsünüz, Cahan Məmmədov ?
45 ildir aqrar sahədə çalışırsan, bütün həyatınız bu sahəyə bağlıdır.
1976-1986-cı illərdə Azərbaycan Kənd Təsərrüfatı İstehsalat Texniki Təminat Komitəsində Baş idarəsinin rəisi,
1986-1989-cu illərdə Azərbaycan Dövlət Aqrar Sənaye Komitəsində Baş idarənin rəisi,
1989-1992-ci ildə Azərbaycan Respublikası Kənd Təsərrüfatı Nazirliyində Baş İdarənin rəisi,
1993-2005-ci illərdə, yəni düz 13 il Azərbaycan Respublikası Kənd Təsərrüfatı Nazirinin müavini və ...
2008-ci ildən Azərbaycan Meliorasiya və Su Təsrrüfatı Açıq Səhmdar Cəmiyyətində – Aparatın rəhbəri vəzifəsində işləyirsiniz.
15 ilə yaxındır, su APARAT-ının başında durmusan. Sudan milyonlar qazanmısınız.
Həm də suyun hesabına Azərbaycan İqtisad Universitetində müəllim işləmisiniz.
Tələbələrə nə mühazirə oxuyurdunuz, Cahan müəllim ?
Deyirlər, tələbələr üçün dərslik yazırsınız. Adı da maraqlıdır: Su aydınlıq deyil, mənlikdir.
Bəli, su aydınlıq deyil, sizlikdir, cənab Rafiq Aslanov, Cahan Məmmədov ! //gundelik-baku.com//
