Cəlilabadda Şəhidin adını daşıyan məktəbə baxın: BURDA HƏLƏ DƏRS KEÇİRLƏR... - AÇIQ TƏHLÜKƏ!!!

Cəllabad rayonunun Privolnoye kənd sakini Kamran Kamiloğlu bildirir ki, Cəlilabadda şəhid Elnur Hüseynovun adını daşıyan 1 saylı tam orta məktəb neçə illərdir ki, yararsız vəziyyətdədir.
Həmin məktəbdə iki övladı təhsil alan valideyn Kamran Kamiloğlu qeyd edir ki, məktəb 20 ildir ki, qəzalı vəziyyətdədir.
Şikayətçi deyir ki, bir neçə dəfə məktəb direktoruna müraciət edib, və mövcud vəziyyətlə bağlı məktəb direktoru da rayon təhsil idarəsinə məlumat verib. Təhsil Nazirliyindən nümayəndə gələrək baxış keçirib və məsələni həll edəcəklərini desələr də, beş il ildir ki, heç bir tədbir görən yoxdur.
Kamiloğlu deyir ki, məktəb hər an uça bilər, yararsız təhsil ocağında övladlarının həyatına təhlükə olduğundan ehtiyat etdiyi üçün müvəqqəti Bakıda məskunlaşıblar. Ancaq uşaqlar öz məktəblərində oxumaq istəyirlər. Vətəndaş qeyd edir ki, tək onun övladları deyil, 500-ə yaxın şağird qorxu ilə məktəbə gedib-gəlirlər. (Dia.az)