Zaman-zaman yerli və xarici turistlərin, əslində isə daha çox məhz yerli turistlərin istirahət etdikləri ünvanları az qala xarabalığa çevirmələri bir faktdır. İş o həddədir ki, artıq Daxili İşlər Nazirliyi işğaldan azad olunmuş ərazilərdə məhz bu cür davrananlara qarşı sərt tədbirlərə belə əl atmaqdadır.
Amma görünəni odur ki, acınacaqlı vəziyyət təkcə işğaldan azad olunmuş ərazilərdə hökm sürmür. Di-az.Media xəbər verir ki, elə digər yerlərdə də durum eynidir.
İsmayıllı rayonu Tircan kəndində durumun daha da ğır olduğunu bildirən oxucular Dia-az.Media-ya müvafiq fotoları da yollayıblar.
Aydın olanı odur ki, bu istiqamətdə də insanlarımız Ana Təbiətə gərəkən övlad münasibəti yox, az qala düşmən münasibəti dərgiləməkdədir...
