Bir neçə gündür ki, “Golden Kids Fashion” təşkilatının uşaqlar arasında model yarışmasına start verilib. Uşaqlar arasında təşkil olunan model yarışması medianın gündəmindədir və şounun kifayət qədər izləyicisi var. Yarışmanın mayın 6-da keçiriləcək yarışmanın açıq-aşkar saxtakarlığının şahidi oluruq.
Belə ki, "Azərbaycan Reallığı"na daxil olan məlumata görə yarışmaya bir neçə gün qalmış sosial şəbəkə üzərindən sorğu keçirən təşkilat açıq şəkildə saxtakarlığa imza atıb.
Səhər saatların nəzarətimizdə olan təşkilatın “Golden_kids_fashion” instagram səhifəsində rəhbərliyin tərəfkeşliyi və təşkilatçının saxtakarlığı sayəsində İsayev K. adlı uşaq günün birinciliyini qazanıb. Müşahidələrimiz onu göstərir ki, səhifəyə hacker vasitəsilə müdaxilə olunur və adı qeyd olunan uşağın şəkilinin bəyənmə sayı süni şəkildə artırılır.
Görünən odur ki, təşkilatçı bilərəkdən baş verən neqativ hala göz yumur və qanunsuzluğa imza ataraq, digər yarışmacıların haqqına girir. Qaydalara görə, hansı uşaq çox bəyənmə alarsa O, sosial şəbəkə üzərindən qalib elan olunur.
Lakin təşkilatçıların nəyinsə müdaxiləsi nəticəsində haqlı olan uşaqlar haqsız duruma düşür və sonda məğlub elan olunur. Həmişə yarışmada ədalətli rəqabət gözləyən sosial şəbəkə istifadəçiləri bu dəfə də normal mübarizə gözlədikləri anda xəyal qırıqlığına uğradılar. Nədənsə təşkilatçılar, türklər demiş “bu oyunun içinə etdi”…
Səhifəyə daxil olan sosial şəbəkə istifadəçiləri açıq-aşkar saxtakarlığının şahidi oldular. Qaydaları pozan və hərəkətlərinə görə yarışması etibarsız sayılmalı olan təşkilatçılar şəxsi maraqlar naminə oyunu qurban verdilər. Yarışmanın finalındakı bu cür ədalətsizlik, haqsızlıq və saxtakarlığa təkcə sosial şəbəkə istifadəçiləri deyil, hətta media nümayəndələri də etiraz edirlər.
Görünən odur ki, təşkilatçılar canfəşanlıq edərək bu saxtakarlığa bəraət qazandırmağa, haqsızlığa don geyindiməyə çalışırlar. Haqsız olaraq yarışmadan qanunsuz şəkildə məğlub duruma düşürülən digər yarışmacılar öz etirazını təşkilatçıya bildirməli və təqdim olunacaq hədiyyələrdən imtina etməlidir.
Qaydaları pozmaqla uduzan iştirakçı olan K.İsayev niyə günün qalibi elan edildi, nə səbəbə ona “dəstək” verildi, nə üçün yarışmada saxlanıldı…? Bu sualların cavabını yəqin ki, saxtakarlıq edən təşkilatçıdan və bir də tərəfkeşlik nümayiş etdirən təşkilatçının şəriklərindən başqa heç kim bilmədi…
Qarşı tərəfin mövqeyini dərc etməyə hazırıq.
AZƏRBAYCANREALLIĞI.COM
