Haqqında bəhs edəcəyimiz Azərbaycan Dövlət Bədən Tərbiyəsi və İdman Akademiyası barəsində qısa məlumat verək.
Məlumat üçün bildirək ki, 1930- cu ildə Zaqafqaziya Mərkəzi İcraiyyə Komitəsinin qərarı ilə Zaqafqaziya Dövlət Cismani Mədəniyyət İnstitutu yaradılıb. 1936-cı ildən bu ali məktəb Azərbaycan Dövlət Bədən Tərbiyəsi İnstitutu kimi fəaliyyətini davam etdirmişdir. Müstəqil, müasir Azərbaycanın idman hərəkatında irəliləyiş 1997-ci ildən – İlham Əliyevin Milli Olimpiya Komitəsinin prezidenti seçilməsindən sonra baş verib. İdman sahəsində xeyli dünya səviyyəli uğurlarımız olub. 1998-ci ildə institutun bazasında Milli Olimpiya Akademiyası yaradılıb, 1 il sonra respublika ali təhsil ocağı Nazirlər Kabinetinin qərarı ilə Azərbaycan Dövlət Bədən Tərbiyəsi və İdman Akademiyasına çevrilib. Uzun müddət İdman Akademiyasına millət vəkili, boksyor Ağacan Abiyev rəhbərlik edib.
Onu da qeyd edək ki, Suraxanıdan deputat olan Ağacan müəllim, İdman Akademiyasında yüksək nailiyyətlər əldə etdi.
Sözün qısası, 2015-ci ildə boksyor Ağacan Abiyev hansısa səbəbdən rektor vəzifəsindən azad edildi. Və 2015-ci ildə akademiyaya yeni rektor təyin olundu. Bu Hacıyev Fuad Hacı oğludur. Gəlin görək, Fuad Hacıyev kimdir, nəçidir..?
Fuad Hacıyev Odessa YEYİNTİ Sənayesi Texnologiyası İnstitutunu bitirib. “Mühəndis-texnoloq” olan Fuad Hacıyev bir müddət Gömrük Komitəsində çalışıb, 23 dekabr 2015-ci il tarixdə Azərbaycan Respublikası Prezidentinin Sərəncamı ilə Azərbaycan Dövlət Bədən Tərbiyəsi və İdman Akademiyasının rektoru təyin edilmişdir.
Təsəvvür edirsiniz, yeyinti texnoloqu və İdman Akademiaysının rektoru…
Təzə rektor təhsilin keyfiyyətini yüksəltmək, mühüm yeniliklər həyata keçirmək əvəzinə akademiyada ''yeyinti''dən başladı. Fuad Hacıyev çoxillik pedaqoji təcrübəyə malik şəxsləri işdən çıxarıb yerinə özünə yaxın bildiyi naşı adamları təyin edib. Əlbəttə, qarşılığında nəsə olmaqla. İdmana heç bir dəxli olmayan şəxslər akademiyada vəzifə tutdular. Çünki Fuad Hacıyev özü elm və təhsil adamı olmadığı üçün ona problem yarada biləcək bu cür elmi tədbirlərə meyilli deyildir. O, ancaq müəllimləri attestasiya ilə hədələyir. Rektor imtahanların suallarını gizli saxlayır, tələbələrə ''gəlir mənbəyi'' kimi baxır. Yəni bu adam hər şeyə gəlir mənbəyi kimi baxır.
İndi isə gələk əsas məsələyə. Deməli, hər şeyə gəlir mənbəyi kimi baxan rektor Fuad Hacıyev tələbələrə də gəlir mənbəyi kimi baxıb. Belə ki, mediada yayılan xəbərdən bəlli olur ki, Azərbaycan Dövlət Bədən Tərbiyəsi və İdman Akademiyasının rəhbəri Fuad Hacıyev və onun biznes ortağı olan ATEF MMC-nin direktoru Talıb Əlixanbəyovun cinayət əməllərinə yol verərək akademiyanın tələbələrinin adına saxta alqı-satqı aktları tərtib ediblər. Və nəticədə xeyli sayda tələbənin adına yüz minlərlə vergi ödəmələri gəlib. Guya hansısa tələbə ATEF-ə 21 ton mis satıb. Soruşan yoxdur ki, tələbə hara mis alveri hara..?
Bu işlərin həyata keçirilməsinə isə Fuad Hacıyevin yaxın adamı olan və mis alveri ilə məşğul olan Kazım adlı şəxs rəhbərlik edib. Məqsəd bilirsiniz nədir…?
Buyurun tanış olun. ATEF MMC-nin direktoru Talıb Əlixanbəyov, İdman Akademiyasının rəhbəri Fuad Hacıyev. Bu şəxslırin bütün biznesinin əlaqələndiricisi kimi tanınan Kazım müəllim. Bunların birgə törətdikləri əməllərin bölüşdürücüsü olan vergi işçisi və mühasibatlar. Bunların hər birinə qarşı hazırlanacaq yazının nəticə etibarilə Hüquq Mühafizə Orqanlarına göndərilməsi məqsədəuyğundur.
Dövlət büdcəsinə vergidən yayınmaq. Indi gördünüzmü akademiya rektoru ilə zavod direktoru hansı cinayətlərə əl qoyublar. Hazırda məsələ Suraxanı Rayon Məhkəməsində araşdırılır. Bizi izləyin. //gundelik-baku.com//
