kanal1

Bakıda bağça müəlliməsindən ŞİKAYƏT - "Uşağımdan nə istəyirlər, bilmirəm"

Tarix:23-11-2021, 18:36
Baxış Sayı:14

Bakıda bağça müəlliməsindən ŞİKAYƏT - "Uşağımdan nə istəyirlər, bilmirəm"

Bakıda bağça müəlliməsinin uşağı döydüyü iddia edilir.

Bu barədə redaksiyamıza şikayət daxil olub.

Sonxeber.az-ın məlumatına görə, Kərimova Cəmalə adlı valideyn "Səma" uşaq bağçasının işçi heyətindən şikayət edir.

O bildirir ki, bağçada vəzifəsi bilinməyən qadın oğlunu döyüb:
Bakıda bağça müəlliməsindən ŞİKAYƏT - "Uşağımdan nə istəyirlər, bilmirəm"

"Kamera ola-ola mənim uşağımı neçə dəfə vurublar. Bu bağça mənim başıma oyun açdı. Bilirəm ki, valideynlər bu mövzuda çox həssasdırlar. İstəyirəm, məlumatlı olsunlar. Bağça Bakıxanovda yerləşir. Videoda görünən xanım uşağın öz müəlliməsi deyil. Heç bilmirəm, o orada nə işlə məşğuldur. Uşaqlar gələndə qızdırmasını ölçürdü, lazım olanda dərmanlarını verirdi, bəzən də kameradan görürdüm ki, dərs də keçir.

Bir dəfə oğlumun qulağından dartıb başından vurmuşdular. Dərhal bağçaya getdim, mənə belə bir şeyin mümkün olmadığını dedilər. Dedim ki, "necə mümkün deyil ki, mən kamerada özüm gördüm". Üzr istədilər, müəllimənin əsəbi vaxtına düşmüş ola biləcəyini, bir də belə bir hadisənin yaşanmayacağını bildirdilər. Yola verdim.

Daha sonra növbəti dəfə uşaq evə gəldikdə üzündə cızıqlar olduğunu gördüm. Soruşduqda isə müəllimənin etdiyini dedi. Yenidən bağçaya üz tutdum, boyunlarından atdılar ki, özü oyuncaq maşınla edib. Buna da "yaxşı" dedim. Amma artıq görürəm ki, mənim övladıma qarşı çox aqressivdirlər. Düzdür, nadinc uşaqdır, anlayıram, ancaq bu onlara döymək haqqı vermir. Videoda açıq-aşkar görünür. Uşağın əlindən topu alır, digər uşağa verir. Qapı tərəf videoda tam görünmür, amma topu necə aldığı, itələdiyi bilinir. 2 yaş yarımlıq uşaq yerə yıxılır, ağlaya-ağlaya qalır. Heç biri götürüb sakitləşdirmir. Uşağımdan nə istəyirlər, bilmirəm".

Sonxeber.az məsələnin doğruluğunu öyrənmək üçün "Səma" uşaq bağçası ilə əlaqə saxlayıb, lakin sərt reaksiya ilə qarşılaşıb.

Belə ki, nömrəsi bağçanın "Facebook" səhifəsində qeyd olunan, özünü köhnə müdir kimi tanıdan şəxs əməkdaşımızı yalançılıqla ittiham edib. Nömrəsinin başqaları tərəfindən bilərəkdən mediaya verildiyini deyib. O, adını təqdim etməməsi ilə yanaşı, məsələ barədə də açıqlama verməyib və əməkdaşımızı hədələyib.


Köhnə Ələt-Astara yolu su altında... - FOTO
Köhnə Ələt-Astara yolu su altında... - FOTO
Abşeron-Xızı təhsilində yepyeni macəralar...
Abşeron-Xızı təhsilində yepyeni macəralar...
Bakının mərkəzindəki universitetlər köçürüləcək?
Bakının mərkəzindəki universitetlər köçürüləcək?
Sahil Babayev maliyyə naziri təyin edilib
Sahil Babayev maliyyə naziri təyin edilib
Məşhur yazıçı “Cafe City”dən sifariş verdiyi salatdan zəhərləndi
Məşhur yazıçı “Cafe City”dən sifariş verdiyi salatdan zəhərləndi
Şəmkirin Dəllər qəsəbəsində heç kimi tanımadığı “Şəmkir tikinti-18” ASC bu tenderləri necə uda bilir
Şəmkirin Dəllər qəsəbəsində heç kimi tanımadığı “Şəmkir tikinti-18” ASC bu tenderləri necə uda bilir
Məşhur biznesmen Aydın Orucov xanım direktora təzminat ödəyəcək -TƏFƏRRÜAT
Məşhur biznesmen Aydın Orucov xanım direktora təzminat ödəyəcək -TƏFƏRRÜAT
"Aspera" klinikasında kosmetoloq Fidan Sadıqova tibbi dərslər keçirir,sertifikat verir? -Araşdırma
"Aspera" klinikasında kosmetoloq Fidan Sadıqova tibbi dərslər keçirir,sertifikat verir? -Araşdırma