Gəncədə restoran sahibi Samux sakinlərinin xeyli sayda mal-qoyunlarını kəsdirərək pullarını vermir.
Bu haqda “Dünyanın Səsi”-nə Samux rayon sakini Əsgərov Faiq Afiq oğlu tərəfindən şikayət edilib. Şikayətçi qeyd edir ki, Gəncənin Natəvan qəsəbəsində yerləşən “Yaşıl park” ailəvi istirahət mərkəzində fəaliyyət göstərən restoran sahibi İslam Məmmədov onu aldadıb. Belə ki, Samux sakinlərinə məxsus olan mal-qoyun kəsilərək 15 tona yaxın ət məhsulları 2021-ci ilin iyul ayından sözügedən ailəvi istirahət mərkəzində fəaliyyət göstərən restoran sahibinə verilib.Bu günə kimi pulunu ala bilməyən Samux sakini məcburiyyət qarşısında qalıb mətbuata müraciə etməyə qərar verib.Əgər İslam Məmmədov şikayətçiyə olan borcunu ödəməzsə Faiq Əsgərovdan Samux sakinləri hüquq mühavizə orqanlarına şikayət edəcəklər. Redaksiya olaraq ümid edirik ki, Natəvan qəsəbəsi Kəpəz rayonun inzibati vahidinə aid olduğundan ərazi Polis İdarəsinin rəhbərliyi bu problemin çözülməsində aidiyyatı üzrə vətəndaşın şikayətini araşdıracaqdır.
Samux sakinin videoşikayətini təqdim edirik:
