AKIF VƏLIYEVI SƏLIM MÜSLÜMOVUN YANINA APARACAQ YOL GÖRÜNDÜ

Tarix:14-03-2021, 21:16

Baxış Sayı:176

Dəryaz qəzetinin redaksiyasına Qazax rayon İcra Hakimiyyəti Başçısının Qazax şəhər İnzibati Ərazi Dairəsi üzrə nümayəndəsi Vəliyev Akif Sozalı oğlu barəsində məlumat daxil olmuşdur.

Həmin məlumata görə, Akif Vəliyev Qazax rayon Əmək və Əhalinin Sosial Müdafiəsi Mərkəzinin direktoru işlədiyi müddətdə rüşvət və korrupsiya əməllərinə görə hazırda həbsdə olan sabiq nazir Səlim Müslümov tərəfindən vəzifəsindən azad edilib. Onun işdən qovulandan sonra barəsində nəyə görə cinayət işinin açılmaması müəmmalıdır. Yeri gəlmişkən, bu məlumatı araşdırarkən, internetdə əlçatan resurslarda onları təsdiqləyən başqa informasiyalara da rast gəldik. Hətta başqa bir məlumata görə Akif Vəliyev bir ara ruhi-əsəb xəstəsi kimi dispanser qeydiyyatında olub.

Sonra necə oldusa, Qazax rayon İcra Hakimiyyətinin hazırki Başçısı Rəcəb Babaşov Akif Vəliyevə etimad göstərərək ona daha mühüm vəzifə başına gətirmişdir. Rəcəb Babaşovun rüşvət və korrupsiya faktlarına görə işdən çıxarılan Akif Vəliyevi hansı göstəricilərinə və keyfiyyətlərinə əsasən Qazax Rayon İcra Hakimiyyəti başçısının şəhər İnzibati Ərazi Dairəsi üzrə nümayəndəliyinin sədri vəzifəsinə təyin etməsinin səbəbi hələ də ictimaiyyətə qaranlıq qalıb.

Bildirilir ki, Qazax şəhərində yerləşən çoxmənzilli binaların təmiri ilə əlaqədar Respublika Prezidentinin 4 oktyabr 2018-ci il tarixli Sərəncamı ilə ayrılmış vəsait tam olaraq təyinatı üzrə və səmərəli xərclənməyib. Həımin sərəncamdan ən böyük səmərəni elə Akif Vəliyev görüb. Dövlətin ayırdığı vəsait hesabına binaların dam örtüyünün dəyişdirilməsi, blok və fasadlarında, pilləkən qəfəslərində əsaslı təmir işləri görülərək suvanması, rənglənməsi, həyətlərində abadlıq və quruculuq işləri görülməsi, uşaq bağçalarının əsaslı təmiri, əlavə yardımçı binaların tikintisi, prospektlərdə yaşıl ağac və gül kollarının əkilməsi, bardürlərin düzülməsi, səkilərə tamet daşların vurulması, parklara ot örtüyünün salınması adı altında rəqəmlərin “şişirdilməsi” yolu ilə külli miqrdarda pullar mənimsənilmişdir.

Əvəllər ölkə mətbuatında yazı getmişdi ki, Akif Vəliyev vətandaşlara məxsus olan ödəmə kartlarını özündə saxlayırmış. Bildirilirdi ki, o, işdən azad olunduğu zaman barəsində cinayət təqibi başlanmaması üçün havadarlarına 350 min manatdan çox pul vermişdir.

Həmçinin qeyd olunur ki, Akif Vəliyev şəhərdəki prospekt və küçələrdə yol kənarındakı obyektlərin sahibkarlarına “qan uddurur”. Belə ki, sahibkarlara xəbərdarlıq edir ki, obyektlərinin qarşısı şəhəri gözəlləşdirəcək hasarlarla hörüləcək. Bunu istəməyən obyekt sahibləri də icra nümayəndəsinin “bığının altından keçməyə” məcbur olurlar.

Şəhər icra nümayəndəsinin bütün bu sadalanan maxinasiyaları həyata keçirə bilməsi üçün alətə çevirdiyi qurumlardaqn biri Qazax şəhərinin yaşıllıq və təmizlik sahəsinə xidmət göstərən Qazax şəhər Kommunal Müəssisələri Kombinatıdır. Əlavə götürülmüş ictimai işçilər ətrafında gedən korrupsiya hüquqpozmları ilə bağlı şikayətlər səslənməkdədir. Digər bir qurum da Mənzil İstismar Sahəsidir ki, binalara “xidmət” çərçivəsində korruptiv planları reallaşdırır.

Təsadüfi deyildir ki, şəhər valisi təyin olunandan sonra haram kapitalı artan Vəliyev Qazax şəhərinin “Gillik” tərəf deyilən yerdən də torpaq sahəsi alaraq dəbdəbəli villa inşa etdirmişdir. Halbuki, onun təkcə Qazaxda deyil, paytaxtda və başqa rayonlarda da evlərinin olduğu hamıya məlumdur.

Redaksiyamıza verilənlərməlumatlar arasında yer alan daha bir məlumat da Akif Vəliyevin müqavilə bağladığı təmir-tikinti müəssisələrinin onun öz yaxın adamlarının adına qeydiyyatdan keçmiş MMC-lər olmasıdır. Maraqlıdır ki, həmin müəssisələr şəhər nümayəndəliyindən götürdükləri işi görüb qurtarandan sonra sanki elə bu məqsədlə yaradılıbmışlar kimi ləğv edilirlər, izləri-tozları itirilir.Ən ilginc məlumat isə Akif Vəliyevin Tovuz Regional Sozial Xidmətlər Agentliyinin direktoru vəzifəsində işləyən oğlunun ali təhsilinin olmaması, diplomunun saxtalığı ilə bağlıdır. Hərçənd, oğul Vəliyev bu barədə ona telefonla verdiyimiz sualı cavablandırarkən bildirdi ki, İqtisad Universitetinin məzunudur. Araşdıracağıq.

P.S. Səslənən iddialarla bağlı Akif Vəliyevin mobil telefonuna zəng vurub deyilən ittihamlara münasibətini öyrənmək istədikdə» dediklərinizin heç bir əsası yoxdur, gedin nə istəyirsiniz yazın» deyib telefonu qapatdı. Qarşı tərəfin də mövqeyini dərc etməyə hazırıq

Mövzuya yenidən qayıdacağıq

Deryaz.az

“Elta Development QSC” şirkəti Kəbəcər sakininin pulunu mənimsəyib - ŞİKAYƏT / FOTO

Dövlət hesabına vəkillə təminatda məhkəmənin ikili standartı

Cavid Qurbanovun adamı Qarabağ qazisini ADAM YERİNƏ QOYMUR - ÖZBAŞINA QALIBLAR...

İsmayıllıda dağı hansı məmur zəbt edib- Video

Qanunsuz tikintiləri “Şamaxılı Cavid” himayə edir?

Estetik-kosmetoloq Töhfə Bayramova tibbi elminə verdiyi tohfələri: Seminarlarda iştirak edərək özünü doktor elan edib…..

 “Qardaşımı “İstanbul NS” klinikasının həkimləri öldürdü…” - İTTİHAM VAR...

Təzəpir məscidində bayram namazı qılınıb