Ağdam Rayon Yüzbaşlı kəndi sakinləri prezidentə müraciət etdiyinə görə cəzalandırılır? - ŞOK İDDİA

Bu barədə 7news.az saytına şikayət daxil olub. Şikayəti olduğu kimi təqdim edirik:

"Yüzbaşlı kənd sakinləri, 14 nəfər prezident İlham Əliyevə müraciət etdiyinə görə hal-hazırda Ağdam rayon məhkəməsinə verilib, süründürülürlər. Necə ola bilər ki, bir direltor on yeddi nəfər qohum-əqrabasını yığıb başına işləyir? Necə ola bilər ki, direktor xanımının adına qeyri qanuni 5 saat musiqi dərsini yazıb, biologiya müəllimi olan həyat yoldaşının adına. Yoxlama özü təsdiq edir ki, direktorun qanun pozuntusu var, cezasın alacaq, heç bir cəzadan söhbər gedə bilməz. Məktəbdə fakültətiv dərs, yəni dərnək keçirilmir, lakin dövlətin büdcəsindən ayrılan vəsaitlər mənimsənilir, direktorun özünün dediyi kimi arxamda Ağdam təhsil sektorunun müdiri Tahir Abbasov və Qarabağ regional təhsil idarəsinin müavini Anar Şəfiyev var. Sübut edirik ki, Polad bu şikayətlərin qızğın vaxtında, statusunda Anar Şəfiyevle şəkil paylaşır. Buna nə ad vermək olar? Direktorun evindən döyüş silah sursatları çıxdı. Məsuliyyətindən yayınmaq üçün anasın verdi qabağa və 1 il 6 ay şərti ceza aldı. Adi vətəndaşın evində çıxsa bu silahlar, ona ən azı 4-5 il iş verilərdi. Və belə bir insan istədiyi adamı rahat şəkildə şərləyib, prokurorluğa verə bilir?"(7news.az)

Qarşı tərəfin mövqeyini dərc etməyə hazırıq.