Tarixən xalqını,millətini sevən insanlar öz xeyirxah işləri ilə xalqın ürəyində yurd salıb, heykəlləşiblər. Millətinə pərəstiş edənlər millət üçün nələr etməyiblər?! Yol çəkdirib, su vurdurub, körpü saldırıb, elin-obanın yaxşı yaşaması üçün əllərindən gələni əsirgəməyiblər.Vətənlə bağlı bu fikir, bu el deyimi gəldi, düşdü yadıma:
Vətən mənə oğul desə nə dərdim,
Mamır olub qayasında bitərdim!
Bu fikirlə razılşmaq üçün vətən naminə uğurlu addımlar atmalı, vətənin şərəfli oğulları xalqın gözündə ucalmağı bacarmalıdır.
Yazımın əsas qəhrəmanı Şirvan Şəhər bələdiyyəsinin sədri Kürdoğlu Barat oğlu Muradov da belə vətən oğullarındandır.
Şirvan rayon bələdiyyəsinin sədri vəzifəsində fəaliyyətə başladığı gündən hazırkı günə qədər insanlarla xoş ünsiyyət quran Kürdoğlu müəllim bələdiyyədə fəaliyyət göstərən hər bir işçilərlə bərabər ərazidə yaşayan hər kəsin hörmət və nüfuzunu qazanıb. İşində məsuliyyətli olan, hər zaman öhdəsinə düşən işləri layiqincə yerinə yetirən Kürdoğlu Muradov öz iş funksiyasını dərindən bilən rəhbərlərdəndir, desəm, yanılmaram. Həmçinin, bir bələdiyyə sədri kimi kənd əhalisinin xeyir-şərində daima iştirak edir və əlindən gələn köməyini əsirgəmir. Elə bu səbəbdəndir ki, bu gün hər kəsin böyük inamını və sevgisini qazanıb. Hörmətli Prezidentimiz İlham Əliyev cənabları “Regionların sosial-iqtisadi inkişaf proqramı” Şirvan rayon İcra Hakimiyyəti tərəfindən çox yüksək səviyyədə həyata keçirilir. Gördüyümüz kimi, Şirvan rayonu günü-gündən inkişaf edir. Və danılmaz həqiqətdir ki, rayonun zəhmətkeş əhalisi firavan həyat sürür. Şirvan rayonunun sakinləri dövlətimizdən-dövlətçiliyimizdən, onun rəhbərindən olduqca razıdırlar. Öz işini günün tələbləri səviyyəsində quran Şirvan Şəhər Bələdiyyəsinin sədri Kürdoğlu Barat oğlu Muradova müstəqil Azərbaycanımızın yüksəlişi naminə fəaliyyətində daha böyük töhfələr bəxş etməyi arzulayır, işlərində müvəffəqiyyətlər diləyirik.
