kanal1

DSX 150 hərbçi ailəsini öz evlərindən çıxarır - NARAZILIQ VAR...

Tarix:29-10-2024, 12:27
Baxış Sayı:0


Azərbaycan Respublikası Dövlət Sərhəd Xidmətinin (DSX) rəhbər şəxslərinin qanunsuz əməlləri ilə bağlı “Hürriyyət”in redaksiyasına növbəti şikayət məktubu daxil olub. 150 ailə adından göndərilən məktubu olduğu kimi təqdim edirik:

“Biz, Dövlət Sərhəd Xidmətinin ehtiyatda və istehfada olan hərbi qulluqçuları və ailə üzvləri, bildiririk ki, müxtəlif vaxtlarda (Sovet hökuməti dönəmi, Milli Təhlükəsizlik Nazirliyi və DSX dönəmində) ehtiyata və istefaya buraxıldıqdan sonra Lənkəran şəhərinin mərkəzində yerləşən N saylı hərbi hissənin hazırkı hərbi şəhərciyindən tamamilə kənarda yerləşən binalarda mənzillərlə təmin olunmuşuq. Bu mənzillər, əsasən Ümumilli lider Heydər Əliyevin hakimiyyəti dövründə verilmişdir.

Dövlət Sərhəd Xidmətinin rəhbərliyi tərəfindən mənzillərdə yaşayan rus və Azərbaycan əsilli vətəndaşların ünvanına müxtəlif vaxtlarda evlərin tərk edilməsi ilə bağlı xəbərdarlıq məzmunlu bildirişlər göndərilir və ailələr mütəmadi olaraq narahat edilir. Baxmayaraq ki, ailələr uzun müddətdir (10-30 il) bu evlərdə daimi qeydiyyatdarırlar və bütün kommunal təminatları Lənkaran Şəhər İcra Hakimiyyəti tərəfindən həyata keçirilir. Bununla belə, DSX hərbi şəhərcikdən kənarda olan bu evlərin onlara məxsus olduğunu və 150 ailənin hər birinin mənzillərdən çıxmalı olduğunu iddia edir”.

Şikayətçilər bildirir ki, bu mənzillərdə yaşayanların bir qismi SSR dönəmində xidmət etmiş hərbi qulluqçulardır: “Hansı ki, onlar Sovet Qoşunları Azərbaycan ərazisini tərk edərkən könüllü olaraq Azərbaycan Sərhəd Qoşunlarında qalıb xidmətlərini davam etdirmiş Rusiya əsilli Azərbaycan vətəndaşları və 20 ildən artıq xidmət etmiş 45-70 yaş arası ehtiyatda olan hərbi və mülki qulluqçulardır. Qeyd etmək istəyirik ki, bizim bu mənzillərdə yaşamağımız Azərbaycan Respublikasının qanunvericiliyinə tam uyğundur. Sizdən xahişimiz budur ki, Lənkəran şəhərində bizə orderlərlə verilmiş, uzun müddətdir qeydiyyatda olduğumuz bu evlərin qanuni şəkildə özəlləşdirilməsi və adlarımıza keçirilməsi məsələsini ictimailəşdirəsiniz ki, Ali Baş Komandan bundan xəbərdar olsun.

Əlavə olaraq bildiririk ki, Ali Baş Komandana etdiyimiz bütün müraciətlər dövlət başçısına çatdırılmır. Dövlət struktur qurumlarına etdiyimiz müraciətlər isə qanunsuz olaraq yenidən DSX-ya yönəldilir”.

Hürriyyət

DİN-in xüsusi rütbəsi olan əməkdaşlarının aylıq vəzifə maaşları artırılıb
DİN-in xüsusi rütbəsi olan əməkdaşlarının aylıq vəzifə maaşları artırılıb
Xaric edilən kursantlar müddətli həqiqi hərbi xidmətə göndəriləcək
Xaric edilən kursantlar müddətli həqiqi hərbi xidmətə göndəriləcək
"İstanbul NS" Klinikası vergi borcunu niyə ödəmir?
"İstanbul NS" Klinikası vergi borcunu niyə ödəmir?
Rəna Soltanovanın 10 manatlıq klinikası yarım milyonluq kapitala necə sahib olub?
Rəna Soltanovanın 10 manatlıq klinikası yarım milyonluq kapitala necə sahib olub?
“Koroğlu” MMC rəhbəri Tahir Əliyev ölkədən nə qədər valyuta çıxarıb?
“Koroğlu” MMC rəhbəri Tahir Əliyev ölkədən nə qədər valyuta çıxarıb?
Tarix İnstitutunun işçisi QOÇU ÇIXIB - Şahidə hücum etdi və...
Tarix İnstitutunun işçisi QOÇU ÇIXIB - Şahidə hücum etdi və...
"Məşğulluq Agentliyi insanları ALDADIR..." - İTTİHAM VAR...
"Məşğulluq Agentliyi insanları ALDADIR..." - İTTİHAM VAR...
Sabunçuda hamam da köhnədir... tas da... - AXI NİYƏ?..
Sabunçuda hamam da köhnədir... tas da... - AXI NİYƏ?..