Son günlər ölkə mediasında Laçın Abadlıq Xidmətinin rəisi Nəsimi Əsədovun qanunsuz əməlləri, habelə, qaranlıq yollarla əldə etdiyi böyük sərvətlər haqqında maraqlı məlumatlar yer almaqdadır. Uzun illərdir ki, Bakı Abadlıq Xidmətinin direktor müavini kimi büdcə pullarına qənim kəsilən, yalnız özünə deyil, bütün nəsil-nəcabətinə “gün ağlayan” Nəsimi Əsədov, hazırda Laçını soyub soğana çevirməkdədir.
TEREF yazır ki, poçtumuza daxil olan məqalədə bunu yazıblar. Müəllif daha sonra məqalədə yazır:
Sadə görünüşü ilə böyük pulları səssizcə və “təvazökar şəkildə” yeyən Nəsimi Əsədov, xalqa münasibətdə də qeyri-səmimi mövqe sərgiləməkdədir. Böyük yeyinti müəllifi olan bu şəxs Laçın sakinlərinin ehtiyaclarını ödəmək, onları narahat edən problemlərin həllindən canını qurtarmaq üçün olduqca hiyləgər taktika sərgiləyir. Belə ki, Nəsimi Əsədov ondan hər hansı məsələ ilə bağlı köməklik istəyən Laçın sakinlərinə “balaca adam” olduğunu, qərar vermək üçün heç bir real yetkiyə malik olmadığını bildirir. Bununla da, Xidmət rəisi sadəcə bugünkü deyil, gələcək problemlərdən də “canını qurtarır”, bütün gücünü və zamanını büdcə pullarının mənimsənilməsinə sərf edir.
Dövlətin pulunu Ərəbzəngi kimi cibinə axıdan Nəsimi Əsədovun xalqa xidmətə çatanda məzlumi binəvaya çevrilməsi vətəndaşlar tərəfindən haqlı olaraq narazılıqla qarşılanmaqdadır. Laçıln sakinləri ümid edir ki, əlaqədar qurumlar Nəsimi Əsədovla bağlı məsələni araşdıracaq, onun qanunsuz yollarla əldə etdiyi milyonlarla manat vəsaitin dövlət büdcəsinə qaytarılması təmin olunacaq.
QEYD: Qarşı tərəfində mövqeyini dərc etməyə hazırıq!
TEREF
