Naxçıvan Muxtar Respublikası Ordubad Rayon İcra Hakimiyyətinin başçısı postunu tutan Rəcəb Rəhimli son günlər ən çox müzakirə olunan məmurlardan birinə çevrilib. Əslində buna səbəb başçının özüdür. İlk əvvəl xatırlatmaya keçək...
Məlumat verərək bildirmişdik ki, Ordubadda rayon icra başçısı ilə mübahisə zamanı fermer Müslim İbrahimov özünü bıçaqlamaqla intihara cəhd edib.
Dia-az.İnfo xatırladır ki, fermeri bu həddə gətirib çıxaran isə, mübahisə zamanı başçının onu ağır söyüşlərlə təhqir etməsi olub. Ordubad şəhərindəki küçələrin birində baş verən hadisə qarpız satmaq üstündə baş verib.
YAZILAR BURADA:
My WebpageMy WebpageQeyd edək ki, bu olayı ciddi-cəhdlə ört-basdır etməyə çalışan Rəcəb Rəhimli hətta hadisəni ictimailəşdirən KİV-ləri belə öz üsulu ilə susdurmağa çalışdı. Bu da azmış kimi daha da irəli gedərək trol ordusunu işə salaraq məlumatın ilkin qaynağı olan "Günəlik Naxçıvan" səhifəsinə "zəhmətkeş" hücumları da təşkil etdi ki, sonda bütün bunlar boşuna sərf olunmuş enerjidən başqa bir əhəmiyyət daşımadı.
Çünki trol sayı nə qədər çox olsa da, normal düşünən vətəndaş sayını üstələyə bilmədi... "Rəcəb Rəhimlini Elmlər Akademiyasinda isləyən vaxtdan tanıyıram" deyərək dodağını yaşlayanlar, Ordubadın gənc başçısına yarınanlar elə ictimai qınağın hədəfinə çevrilməkləri ilə ifşa olundular.
Qeyd edək ki, burada diqqətçəkən bir məqam da var idi... Rəcəb Rəhimli məhz vəzifə başındakı dönəminin düz 1 ilinin tamamında özünü ifşa etdi, əsl kimliyini - xalqdan uzaq birisi olduğunu ortaya qoymuş oldu... Demək, dədə-babadan qalan məsəllər düz imiş...
