kanal1

Müharibədən öncə oğurluqda təqsirləndirilən qazi həbs edilib

Tarix:12-02-2021, 10:26
Baxış Sayı:17

Müharibədən öncə oğurluqda təqsirləndirilən qazi həbs edilib


Sosial şəbəkələrdə Vətən Müharibəsində döyüşən qazi Aydın Ağazadənin həbs edilməsi ilə bağlı məlumatlar yayılıb. Geniş müzakirə olunan bu məsələyə görə vətəndaşlar verilən qərarla bağlı qınayıcı fikirlərini ifadə ediblər.

“Qafqazinfo”nun əldə etdiyi məlumata görə, Cəlilabad rayon sakini Ağazadə Aydın Nəbi oğlu 2019-cu il iyunun 28-də həmyerlisinin evindən 3600 manat dəyərində qızıl-zinət əşyaları oğurlamaqda ittiham edilib. O, cinayəti törədərkən tək olmayıb, elə dəstə üzvləri ilə birgə tutulub.

Aydın Ağazadəyə Cinayət Məcəlləsinin 177.2.1-ci (Oğurluq; qabaqcadan əlbir olan bir qrup şəxs tərəfindən törədildikdə) və 177.2.3-cü (oğurluq; yaşayış sahəsinə qanunsuz daxil olmaqla törədildikdə) maddələri ilə təqsirləndirilib.

O, şübhəli şəxs qismində tutularaq iyunun 30-da ittiham elan edilməklə barəsində heç yerə getməmək qərarı verilib. Aydın Ağazadənin ayağına müəyyən edilən ərazini tərk etməməsi üçün GPS bazubənd də bağlanıb.

İstintaq müddətində isə o başqa cinayətə görə ittiham edilib. Bu dəfə A.Ağazadə Cinayət Məcəlləsinin 234.2-ci (satış məqsədilə narkotik maddələri daşıma) maddəsi ilə təqsirləndirilib. Onun üzərindən narkotik vasitə aşkar edilib.

Hər iki cinayət işi ilə bağlı istintaq yekunlaşdırılaraq 2020-ci il fevralın 2-də iş materialları baxılması üçün məhkəməyə göndərilib.

Məhkəmə prosesi davam etdiyi müddətdə Vətən Müharibəsi başlayıb. Aydın Ağazadə könüllü səfərbərliyə yazılıb və sentyabrın 27-dən döyüşlərə qatılıb. O, döyüşlərdə sağ budundan yaralanaraq müharibəni qazi kimi tərk edib.

Əsgər Aydın Ağazadə “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.

A.Ağazadə döyüşdən qayıtdıqdan sonra məhkəmə prosesi bərpa edilib və Cəlilabad rayon məhkəməsinin hakimi Elxan Əmirəliyevin hökmü ilə ona 4 il 3 ay müddətinə azadlıqdan məhrumetmə cəzası verilib. Aydın Ağazadə məhkəmə zalında həbs edilib.

Murad Əhməd

Müharibədən öncə oğurluqda təqsirləndirilən qazi həbs edilib

Tahir Qəribovun şirkəti terrorçuluğu maliyyələşdirilməsinə görə cərimələndi....-Rəsmi məlumat
Tahir Qəribovun şirkəti terrorçuluğu maliyyələşdirilməsinə görə cərimələndi....-Rəsmi məlumat
Cərrah - Uroloq RƏŞAD ŞOLANIN səhvi ucbatından xəstə ömürlük ŞİKƏST OLDU
Cərrah - Uroloq RƏŞAD ŞOLANIN səhvi ucbatından xəstə ömürlük ŞİKƏST OLDU
Azərbaycanda töhmət alan yüksək vəzifəli məmurlar - SİYAHI
Azərbaycanda töhmət alan yüksək vəzifəli məmurlar - SİYAHI
HACI TURQAY ƏT MƏHSULLARININ İLLƏRLƏ QAZANDIĞI HÖRMƏTƏ LƏKƏ SALMAQ GÖRƏSƏN KİMLƏRƏ XEYİR GƏTİRƏCƏK?
HACI TURQAY ƏT MƏHSULLARININ İLLƏRLƏ QAZANDIĞI  HÖRMƏTƏ LƏKƏ SALMAQ GÖRƏSƏN KİMLƏRƏ  XEYİR GƏTİRƏCƏK?
Agentliyə 320 milyonluq mal-qara satan şirkətin nə saytı, nə də sosial media hesabı var - TƏFƏRRÜAT
Agentliyə 320 milyonluq mal-qara satan şirkətin nə saytı, nə də sosial media hesabı var - TƏFƏRRÜAT
Başçının qəbuluna düşmək olmur... - "Bunun 100 günü də bitib..."
Başçının qəbuluna düşmək olmur... - "Bunun 100 günü də bitib..."
Naftalanın icra başçısı kimə güvənib, kef edir -ŞİKAYƏT
Naftalanın icra başçısı kimə güvənib, kef edir -ŞİKAYƏT
Prezident Fuad Nağıyevə şiddətli töhmət verdi
Prezident Fuad Nağıyevə şiddətli töhmət verdi