"Tesla" və "SpaceX" şirkətlərinin təsisçisi İlon Mask karbon dioksidin tutulmasının və saxlanmasının ən səmərəli metodunu icad edənə 100 mln. ABŞ dolları ödəməyə hazır olduğunu bildirib.
Bu barədə Mask "Twitter" hesabında yazıb.
"Karbon dioksidi tutmaq üçün ən yaxşı texnologiyaya 100 mln. dollar mükafat verirəm", - dünyanın ən zəngin iş adamını qeyd edib. O, gələn həftə bu təklifin təfərrüatlarının açıqlayacağını bildirib.
"Bloomberg"in son hesablamalarına görə, Maskın sərvəti 201 mlrd. dolları üstələyir. Yanvarın 7-nə olan məlumata görə, o, "Amazon"un rəhbəri Cef Bezosu qabaqlayaraq dünyanın ən zəngin adamları siyahısına başçılıq edib. Bezosun aktivlərinin ümumi dəyəri 193 mlrd. dollar səviyyəsində qiymətləndirilir.
