Bakı Baş Gömrük İdarəsinin rəisi Pərviz Kəngərlinin vəzifədən azad edildiyi deyilir.
ictimailider.az bildirir ki, bizimxeber.az-a daxil olan məlumata görə, Dövlət Gömrük Komitəsi sədrinin səlahiyyətlərini icra edən Şahin Bağırov sözügedən vəzifəni Dövlət Vergi Xidmətinin Milli Gəlirlər Baş İdarəsinin rəis müavini Elmir Ramazanova həvalə edəcək.
Bildirilir ki, Pərviz Kəngərli məzuniyyətdədir və onun qayıdışından sonra Elmir Ramazanovun BBGİ-nin rəisi postuna təyinatı rəsmiləşəcək.
Qeyd edək ki, Pərviz Kəngərli bir neçə ay əvvəl sabiq DGK sədri Səfər Mehdiyevin əmri ilə Bakı Baş Gömrük İdarəsinin rəisi vəzifəsinə təyin edilib. O bu vəzifəyə Hava Nəqliyyatında Baş Gömrük İdarəsi Gömrük Əməliyyatları İdarəsinin rəisi vəzifəsindən gətirilib.
