Neftçala rayon, Həsənabad qəsəbə sakinləri "Azər-Yod" MMC-yə məxsus yod zavodunda kimyəvi maddələrin atmosferə buraxılması, eləcə də zavodun yod yatağında hasil olunan yodlu suyun nəql olunan boru xəttindən torpağa sızaraq törətdiyi şoranlaşmadan şikayətçidirlər.
DİA.AZ-ın məlumatına görə, narazı sakinlər bildirir ki, həmin zavodlarda təmizləyici qurğuların olmaması zəhərli maddələrin təbiətə buraxılmasının əsas səbəblərindədir.
DİA.AZ bildirir ki, Neftçala sakinlərinin şikayətinə səbəb olan "Azər-Yod" MMC məşhur oliqarx İsgəndər Xəlilova aid olan "İSR Holding"in nəzdindədir.
İsgəndər Xəlilov
Qeyd edək ki, İSR şirkətlər qrupu öz tarixinə 1995-ci ildən başlayıb. Qrupun təsisçisi və prezidenti İsgəndər Xəlilov yerli və xarici bazarlarda biznesin müxtəlif sahələrində nəhəng sahibkarlıq fəaliyyəti təcrübəsinə malikdir ki, bu da ona Azərbaycanın özəl sektorunda bu günə qədər ən iri strukturlardan birini yaratmağa imkan vermişdir.
İndi isə oliqarxın şirkəti Neftçala sakinlərinin qəniminə çevrilib.
Daha ətraflı aşağıdakı videoda:
İddia olunanlarla bağlı dia.az olaraq qarşı tərəfi də dinləməyə hazırıq...
