Ukrayna və Rusiyanın nümayəndə heyətləri İstanbulda görüşüb.
"Haber Global"a xəbər verir ki, Türkiyə prezidenti Rəcəb Tayyib Ərdoğan da Rusiya və Ukrayna nümayəndə heyətləri ilə Dolmabahçe sarayında keçirilən danışıqlar görüşündə iştirak edib.
"Türkiyə olaraq məsuliyyəti öz üzərimizə götürməkdən çəkinməmişik və qaçmırıq. Tezliklə atəşkəsə nail olmaq hər kəsin marağındadır. Düşünürük ki, danışıqlardan konkret nəticələrin alınmalı olduğu dövrə qədəm qoyduq", - Türkiyə lideri bildirib.
xxx
10:50
Ukrayna nümayəndə heyəti Rusiya ilə danışıqlar aparmaq üçün İstanbulun Dolmabağça Sarayına gəlib.
TASS-a xəbər verir ki, Türkiyənin vasitəçiliyi ilə ilə baş tutacaq Rusiya-Ukrayna danışıqlarında minimum proqrama humanitar məsələlər, maksimum proqrama atəşkəs daxildir.
Ukrayna XİN başçısı Dmitri Kuleba vurğulayıb ki, Kiyev "ərazilərdən, xalqdan və suverenlikdən imtina etməyə" hazır deyil.
Kremlin sözçüsü Dmitri Peskov da öz növbəsində bildirib ki, danışıqların mövzusu məhbusların mübadiləsi deyil.
Qeyd edək ki, Türkiyənin XİN rəhbəri Mövlud Çavuşoğlu artıq görüşlərin keçiriləcəyi əraziyə gəlib.
Görüşün dinc şəraitdə keçirilməsi üçün İstanbulda təhlükəsizlik tədbirləri gücləndirilib.
Rusiyanın nümayəndə heyəti isə Türkiyəyə dünən gəlib.
